Ağıllı lampa oğru gələndə reaksiya verəcək

Amazona məxsus olan Ring şirkəti, potensial cinayətkarlara reaksiya verəcək  smart-lampa hazırlayıb.

Ens.az bildirir ki, bu şirkət özünəməxsus ev təhlükəsizlik sistemləri üzrə ixtisaslaşıb və əvvəllər izləyici  kameralar və  domofon  kimi məhsullarla məşğul olub.  İndi şirkət, Bluetooth dəstəyiylə ağıllı lampalar əlavə edib öz xəttini genişləndirməyə qərar verib.

 Yeni məhsulun sertifikatlaşdırılması üçün müraciətə əsasən, lampa,  mövcud təhlükəsizlik sistemlərini tamamlayır və potensial oğrunu işıqlandıraraq icazəsiz hərəkətlərə reaksiya verə biləcək.  Bu, təcavüzkarı çaşdırmaqla yanaşı, onu tutmağı  da asanlaşdıracaqdır.

 Şirkət,  məhsulu hələ rəsmi olaraq təqdim etmədiyi üçün, onun bazara nə zaman çıxacağı hələ dəqiq bilinmir.

Mənbə: zen.yandex.az