![Antisanitar şəraitdə fəaliyyət göstərən qənd sexi aşkarlandı](https://ens.az/images/news/b70dabfa17f90569035e48e28e0afc02.jpg)
Antisanitar şəraitdə fəaliyyət göstərən qənd sexi aşkarlandı
Bununla bağlı AQTA məlumat yayıb.
Reyd zamanı müəssisədə sanitar-texniki və sanitar-gigiyenik tələblərin kobud şəkildə pozulduğu aşkarlanıb. Müəssisədə xammal və hazır məhsulların düzgün şəkildə saxlanılmadığı, müvafiq dezinfeksiya, dezinseksiya və deratizasiya işlərinin aparılmadığı məlum olub.
Eləcə də, istifadə edilən xammalların minimum keyfiyyət və təhlükəsizliyini təsdiqləyən sənədlərin mövcud olmadığı müəyyən olunub.
Yoxlama zamanı sexdə istehsal edilən qənddən nümunələr götürülərək müayinə üçün Azərbaycan Qida Təhlükəsizliyi İnstitunun (AQTİ) müvafiq laboratoriyalarına göndərilib.
Aşkar olunmuş faktlar əsasında qanunvericiliyin tələblərinə uyğun olaraq, müəssisənin fəaliyyəti məhdudlaşdırılıb.
![](https://www.ens.az/images/uploads/f5abeee796b5c7fc0e4b86e6c1e7231a.jpg)
![](https://www.ens.az/images/uploads/c40a51ef6fd50afcb91079ca1e34a62a.jpg)
![](https://www.ens.az/images/uploads/17539d19b8fafcc00e935e204790c5e7.jpg)
![](https://www.ens.az/images/uploads/52c3ac132ab4033928f40c015de4b24e.jpg)
![](https://www.ens.az/images/uploads/cb9cc832162402dae2dd42467a244c15.jpg)
Şərhlər
Şərhləri göstər Şərhləri gizlət