Hacı Salayevdən gözlənilməz seçki qərarı – Namizədliyini geri götürdü

44 saylı Sumqayıt-Xızı seçki dairəsindən namizədliyi qeydə alınmış sabiq millət vəkili Hacı Salayev namizədliyini geri götürüb.

Sfera.az-a daxil olan məlumatda bildirilir ki, Hacı Salayev bununla bağlı qərarı ötən gün qəbul edib. Məsələni özü ilə dəqiqləşdirmək üçün əməkdaşımızın cəhdlərinə baxmayaraq Hacı Salayevlə telefon əlaqəsi yaratmaq mümkün olmayıb.

Xatırladaq ki, Hacı Salayev 2010-cu il IV-cü və 2015-ci il V-ci Çağırış Azərbaycan Respublikası Milli Məclisinin deputatı seçilib.