Latviya həkimlərinə resept yazarkən brend adlarının istifadəsi qadağan olunacaq

Latviya həkimləri 2020-ci il aprelin 1-dən yazdıqları reseptlərdə dərmanların brend adlarını qeyd edə bilmyəcəklər.

AZƏRTAC xəbər verir ki, Latviyanın Səhiyyə Nazirliyini qərarına görə, həkimlər resept yazarkən yalnız dərmanın beynəlxalq aləmdə qəbul edilmiş, brend kimi patentləşdirilməmiş adını yazmalıdırlar. Apteklərdə isə vətəndaşa həmin dərmanın ən ucuzu təklif olunmalıdır.

Səhiyyə naziri İlze Vinkele deyib ki, bu yeni qaydalar dərmanların bütün əhali üçün əlçatanlığını təmin etmək üçün tətbiq ediləcək.