Lavrov danışıqların intensivləşdirilməsinin şərtini açıqladı

Lavrov danışıqların intensivləşdirilməsinin şərtini açıqladı

Ümid edirik ki, Ermənistan-Azərbaycan sərhədində baş verən iyul hadisələri gələcəkdə təkrarlanmayacaq.

TASS agentliyinin məlumatına görə, bunu avqustun 26-da Rusiya Xarici İşlər naziri Sergey Lavrov Azərbaycanın Xarici İşlər naziri Ceyhun Bayramovla baş tutan danışıqlardan sonra mətbuat konfransında söyləyib.

Onun sözlərinə görə, Dağlıq Qarabağ məsələsində beynəlxalq birliyin qəbul etdiyi qərarlar əsas götürülməlidir.

“ATƏT çərçivəsində ciddi danışıqlar bazası formalaşdırılıb. Əlbəttə, danışıqlar intensivləşsəydi, daha yaxşı olardı, ancaq bu planların baş tutması üçün ilk növbədə situasiyanı normallaşdırmaq, hansısa insidentləri dayandırmaq lazımdır”, - deyə S.Lavrov vurğulayıb.

Rusiya XİN rəhbəri ATƏT-in Minsk Qrupu həmsədrlərinin Bakı və İrəvana səfər etmək, həmçinin, Azərbaycan və Ermənistan xarici işlər nazirləri arasında əlaqə yaratmaq planlarının olduğunu vurğulayıb.

 

Mənbə: Oxu.az